+ A
A -
بقلم : د. سعاد درير كاتبة مغربية
هزِّيتْ عِيني،
هزِّيتْ عِيني
في سمَا عِينِيكْ..
تمَّاكْ فِينْ طاحْ اللِّيلْ..
القَمَرْ طفَا..
وضوَّأوْ عِينيكْ..
وأنَا نبْغِيكْ..
{{{
نجُومْ اللِّيلْ
دارتْ بِيا..
نجومْ اللِّيلْ
صبْحَتْ حروفْ..
حروفْ تكْتبْ اسْمكْ
بقَطراتْ الدَّمّ..
بدموعْ الشُّوقْ..
{{{
نجومْ اللِّيلْ،
نجومْ اللِّيلْ
صبْحَتْ حروفْ،
حروفْ تحفرْ اسْمَكْ
في سُورْ القَلْبْ..
{{{
قرِيتْ المكْتُوبْ،
وأنَا نذُوبْ..
{{{
رمَشْ القَلْبْ
وأنَا نرفَعْ رايةْ الحُبّ..
{{{
اللهْ!
اللهْ علِيكْ!
اللهْ علِيكْ يا السَّاكنْ
في أعْماقْ الرُّوحْ.. !
تطْلَعْ الرُّوحْ
ولاَ نطْلَعْ
منْ بَحرْ هْواكْ..
{{{
في كُلّ قَطْرَة،
في كُلّ قَطْرَة
تجْرِي في الْعرُوقْ
كاينْ اسْمَكْ..
{{{
في كُلّ قَطْرَة
تجْرِي في الْعرُوقْ
يجْرِي دَمَّكْ..
{{{
يَا الْغَايبْ،
يا الغايبْ لاَ تطَوَّلْ
ويمُوتْ الْوَرْدْ..
وَرقَة وَرقَة،
وَرقَة وَرقَة
بشُوفَة منّكْ
قادرْ تسْقِيهْ..
{{{
مُقابِل المُفْرَدات المغربية:
- هزِّيتْ: رَفَعْتُ.
- سما: سماء.
- تمَّاكْ: هُناكَ.
- فِينْ: أينَ.
- طاحْ: سقطَ (حَلَّ).
- طفَا: اِنْطَفَأَ.
- ضوَّأوْ: أضاءَتْ.
- نبْغِيكْ: أُحِبُّكَ.
- دارتْ: حركة الدَّوَران.
- صبْحَتْ: أَصْبَحَتْ.
- الدَّمّ: الدَّم.
- قرِيتْ: قَرَأْتُ.
- رمَشْ: أغمضَ القلبُ مُطْبِقاً وهو يحرِّكُ جفونَه.
- كاينْ: موجود.
- لا تطوَّلْ: لا تُصَيِّر غيابك أَطْوَل مِمَّا أتحمَّل.
- وَرقة وَرقة: أوراق الوَرد.
- شُوفَة: نظرة.
- منّكْ: مِنْكَ.
copy short url   نسخ
18/11/2019
1296